Ҳафтавори Суғд айни ҳол ба ҳисоби миёна бо теъдоди 2500 нусха аз чоп мебарояд. Асосан дар шаҳру ноҳияҳои Хуҷанд, Чкалов, Исфара, Истаравшан, Б. Fафуров, Конибодом, Панҷакент, Зафаробод паҳн мегардад.

Дар ҳар як шумораи ҳафтавор мавод доир ба набзи сиёсӣ иҷтимоӣ, фарҳангии шаҳри Хуҷанд ва вилояти Суғд аз чоп мебарояд. Дар ҳар як шумора андешаи шаҳрвандон доир ба як мавзӯи муайян ҷамъоварӣ мешавад, ки ба худи хонандагон писанд даст. Ҳафтавори Суғд бо хонандагон алоқаи зич дорад. Аксар номаи хонандагон дарҷ мегардад, ки дар он мардуми оддӣ дарди худро баён менамоянд. Доир ба ҳар як ҳаёти муҳими кишвар мавқеи худро дорад. Дар рубрикаи махсус андешаи коршиносон доир ба мавзӯи баҳсталаб баён мегардад.

Ҳафтавори Суғд худро дар тайёр намудани кадрҳои журналистӣ саҳмгузор меҳисобад. Зеро марҳила ба марҳила дар редаксия донишҷӯёни кафедраи журналистика ва назарияи тарҷумаи ДДХ таҷрибаи истеҳсолӣ мегузаранд. Дар саҳифаи махсус маводи навқаламон ҷой дода мешавад.

Хабарнигорони махсуси Суғд дар ноҳияи Конибодом, Ҷ. Расулов ва Панҷакент низ фаъолият доранд. Аз ин ноҳияҳо мунтазам мавод дарҷ мешавад. Ҳайати эҷодӣ бо хабарнигорони дигар расонаҳои вилоят, ҷумҳурӣ ва хориҷи ҳамкорӣ доранд.